اُستادغلام رسول دیناررزئی کہ بیست اکتوبر 2011ءَ ماں چابھار ءَ دل ءَ گیپتگ ءُ بیران بوتگ

اُستادغلام رسول دیناررزئی کہ بیست اکتوبر 2011ءَ ماں چابھار ءَ دل ءَ گیپتگ ءُ بیران بوتگ  چَہ بلوچی زبان ءِ نامی ئیں  زیمل ساچ ءُ سوت گوشاں یکے اَت نیمرانیں اُستاد ماں ساز ءُ زیمل پڑ ءَ وتی مٹ وت ءُ چَہ درساں گستائیں رنگ ءُ آھنگے ءِ واھند اَت ۔ اُستاد غلام رسول دینارزئی ءِ پت ءِ نام لال محمد  اَت ۔ آئی ءِ پیرین  چَہ روایرشتی بلوچستان ءِ ھند بنپور ءِ  دمگاں کساس1860م ءَ چَہ گجرانی (قاجاری ) اُرش ءُ  ھاکمانی زپت ءُ زورءَ وتی ھنکین ءَ درکپتگ ءُ چَہ گوادر ءِ راہ ءَ کراچی ءَ شتگ ءُ سربوتگ اَنت  ۔ کراچی ءَ سالار کمپان ءَ بہ نند جاھی بوتگ اَنت ۔ چیزے سال ءَ پد چَہ اُود ءَ درکپتگءُ  گل محمد لین لیاری ءَ اُرد اِش کرتگ ۔ مدتے ءَ رند چَہ اُود ءَ ھم  لڈ ءُ بار کرتگ ءُ ریکسر ءَ ھنکین اِش کرتگ ۔ اُستاد دینارزئی 1943عیسائی ءَ ھمے میتگ [ ریکسر کراچی ] ءَ ودی بوتگ ۔ چیزے کلا س ھمد ءَ وانگ ءَ پد گل محمد لین لیاری اسکول ءَ  داں میڈل ءَ در ئِے برتگ ( بزاں 8کلا س ونتگ  ) پد ءَ وانگ یلہ کرتگ ءُ کیاماڑی ءَ مزوری ءَ گلائش بوتگ  ۔ بیست ءُ پنچ سالگی عمر ءَ اُستاد فتح محمد نسکنتی ءِ سوجکاری ءَ ھِندی کلاسیکل زیمر ءِ دربرگ ءُ ھیل کاری بنا ئِے کرتگ ۔ چیزے سال ءِ ھیل زیری ءَ پد وت بلوچی شعرانی سر ءَ ( چوکہ احمد جگر ۔ جی آر ملا ۔ احمد زھیر ءُ دگہ )ترز دیگ ءِ کار ئِے دست ءَ زرتگ  ۔ آئی ءِ اولی ترز احمد جگر ءِ شعر(بیا بیا ترارا اَے جان دل ءَ دار آں ) گوں بلوچی ءِ وشیں زیمرے ءَ مھلوک ءِ دیم ءَ اَتکگ ءُ سک نامدار بوتگ  ۔ آئی ءَ پد دینارزئی ءَ ترزسازی ءُ زیمرساچی ءِ میدان ءَ بے مٹ ءُ بے دروریں پیمے ءَ وتی کار برجاہ داشتگ اَنت ۔ 1969ءَ کوئٹہ ریڈیو ءَ بلوچی مراگشاں بھر زرتگ ءُ پاکستان براڈ کاسٹنگ کارپوریشن ءَ بلوچی ءِ بازیں آواز گوں وتی زیمر ساچی ءُ ترز اں ریکارڈ کنائینتگ ۔ چوش کہ محمد جاڑوک ، فقیر ءُ دگہ لھتیں ۔ پد ءَ سال 1975ءَ کراچی ءِ ریڈیو ءَ بلوچی برنامگانی بھر ءَ زیمرساچی ءَ لوٹائینگ بوتگ آ اُود ءَ ھم  دینار زئی ءَ مدتے گوں کراچی ءِ بلوچی بھر ءِ ریڈیو ءَ ھمکاری کرتگ ۔  مدتے ءَ رند ریڈیو  یلہ کرتگ ءُ کمیں مدتءِ پوریاتگری ءُ مزوری ءَ پد سال 1977ءَ وتی بنکی ملک روایرشتی بلوچستان چابھار ءَ کزک ءِ بندن ءَ رنگ کاری ءِ کار ءَ پہ لاپ کشگ ءَ دزگٹ بوتگ۔ پد ءَ زاھدان ءَ شتگ  ءُ ماشینی (ھوٹل ) روگن بھاکنگ ءِ کار ئِے کرتگ ۔ داں کہ ایرانی سال 1385ھ ش ءَ ایران ءُ عراق ءِ جنگ ءِ دوران ءَ ریڈیو زاھدان ءِ بلوچی مراگاھاں پہ کار ءَ لوٹگ بوت ۔ آ اُود ءَ  دینارزئی  ءَ اھوالکاری ، شنگ کاری ، رجانکاری ، زیمرساچی ءُ گشندھی ءِ پڑ ءِ رندگیری کرتگ ۔ یازدہ سال گوں ایران ریڈیو زاھدان ءِ بلوچی برنامھاں ھمکاری ءُ ھمراھداری ءَ رند ، اَتکگ چابھار ءَ زیمر جاھے پچ کرتگ ۔  اد ءَ وت ءُ تاج محمد طاہرءُ دگہ چندے ادبی ، ھنری ، سنگتانی ھمراھی ءَ زیمرءِ ھیلکاری ءَ گلائش بوتگ داں وتی زند ءِ گڈی روچاں ماں چابھار ءَ  زیمر ءِ ھیلکاری ءُ ترز سازی ءِ کارءَ دیم ءَ بران اَت  ۔ بلوچی ءِ بازیں گوستگیں ءُ نوکین گشنندھاں گوں اُستاد دینارزئی ءِ زیمر ءُ ترزاں نام کش اِتگ ۔ جاڑوک ءَ بہ گرداں نورخان ، عارف ، شاہ جان ،عاصم ، شوکت سفر، شاہ میر سبزل، ءُ دگہ بازینے ءَ وت ءَ گوں دینازئی ءِ ترزاں زیمرینتگ ۔ چَہ دینارزئی ءِ شاگرد ءُ ھیل گروکاں ،محمد علی محمد حسنی کہ انوں وت زیمر ءِ پڑ ءَ مزنیں نامے ءِ ھدا بند اِنت ءُ وشگٹی ءِ پڑ ءَ عبدالباسط چَہ سراوان ءَ ، بابل ھمراز ، وحید اسحاق بلوچ نسب چَہ چابھار ءَ دگہ بازینے اُرد ءُ مزنینے ءَ وت ءَ داں وھدے ءَ گوں نمیرانیں اُستاد غلام رسول دینارزئی ءَ ھمگرنچ کرتگ ۔ اُستاد غلام رسول دینار زئی اے نوبت ءَ بلوچی زبان ءِ چَہ درساں مستریں زیمر زانت ءُ ترزساچ اَت چَہ آئی ءِ بیرانی ءَ پد بلوچی زیمر ءُ زبان یک مزن نامیں زیمر ساچے ءَ زِبھر بوتگ ۔اُستاد غلام رسول دینار زئی ءَ ابید چَہ ترز ساچی ءَ راھگوز ءِ پنام ءَ شعر ھم گوشتگ بلے ھما پڑ کہ آئی ءِ تہ ءَ اُستاد مزن نام ءُ شھزانت اَت آ زیمر اِنت ۔

Balochi Academy 50 Years ::International Conference 2011 Quetta Baluchistan

Baloch History

لندن :بلوچ کلچر سوساہٹی کے ترجمان نے کہا ہے کہ معروف بلوچ دانشور شاعر اور انقلابی اسکالر پروفیسر صبا دشتیاری کو ریاسی اداروں اور ان کے کاسہ لیس غلاموں کے ہاتھوں شہید کرنے کی مذمت کرتے ہے اور انسانی حقوق کے اداروں سے اپیل کرتے ہے کہ ہو پروفیسر کی قتل کا نوٹس لیکران کے زمے داروں کو انصاف کے کہٹرے میں لائیں

Baloch scholar shot dead in Quetta

UETTA: Renowned Baloch scholar, writer and poet, Professor Saba Dashtyari was shot dead at Sariab Road on Wednesday evening.

Professor Dashtyari was badly wounded when unidentified assailants opened fire on him. He was rushed to the hospital but could not survive due to severe injuries.

Prof. Dashtyari was a teacher of Islamic Studies at the Balochistan University and frequently shuttled between Karachi and Quetta.

His literary contributions include more than 24 books on Balochi literature, history, poetry and translations. He also established the Syed Zahoor Shah Hashmi reference library, Pakistan’s largest library on Balochi literature, in Malir area of Karachi.

The library houses more than 150,000 books in various languages on Balochi literature, culture and civilisation. Furthermore, he also compiled an index and bibliography of Balochi literature published in the past 50 years.

Meanwhile, the University of Balochistan will remain closed on Thursday to mourn Professor Dashtyari’s death.